“Yeni futbolçular axtarırıq”

Bu gün Azərbaycan Premyer Liqasının II turu çərçivəsində “Qarabağ” səfərdə “Rəvan”ın qonağı olub. 

Matç Ağdam klubunun 2:1 hesablı qələbəsi ilə başa çatıb. Oyundan sonra “Qarabağ”ın baş məşqçisi Qurban Qurbanov jurnalistlərə açıqlama verib:

“Çempionatda ilk qәlәbәmizi qazandıq. Bu vacib idi. Baxmayaraq ki, futbolçular isti havada oynayırdılar, əllәrindәn gәlәni etdilәr. Bugünkü oyun göstәrdi ki, bu mövsüm ağır keçәcәk. "Rәvan" qısa müddәtdә yaxşı formalaşıb. Sürәtli hücumlara çıxırlar, mәrkәzdә yaxşı oynayırlar. Emin Quliyevә vә komandasına uğurlar arzu edirәm. Düşünürәm ki, çox çәtin olacaq".

Qurbanov transfer mәsәlәlәri barәdә danışıb: 

“Yeni futbolçular axtarırıq. Hücumçu vә müdafiәçi axtarırıq. Ümumiyyәtlә transfer mәsәlәsi bir az çәtinlәşib. Türkiyәdә legioner limitinin aradan qaldırması bizә transferlәrә mane olur. Futbolçular daha çox elә yerlәrә qaçırlar. Transfer mәsәlәsinә nöqtәni avqustun 31-dәn qoyacam. Bәzi futbolçuların adları hallanır. Bu düzgün deyil. Amma legioner futbolçu axtarırıq”.

Baş mәşqçi Avropa Liqasında rәqib olan İsveçrәnin "Yonq Boyz" klubunun nümayәndәlәrinin oyunu izlәmәsinә münasibәt bildirib: "Bu gün gәnclәrә şans vermişdim. Onlardan çox şey gözlәyirәm. Qarşıda da belә oyunlar olacaq". (qafqazinf)

Ölkə.Az