Türkiyədə futbol yarışları bərpa edilir

Ölkədə baş verən zəlzələ fəlakəti səbəbilə ilə dayandırılan Türkiyə Super Liqası fevralın 17-i tarixindən bərpa olunacaq. 

Fanat.Az xəbər verir ki, məlumatı ölkənin futbol  federasiyasının rəsmi saytı yayıb. 

7 və 12 ferval tarixlərindən təxirə salınan matçlar 17-dən 20-i fevral tarixinə qədər keçiriləcək. 

Bazarertəsi üçün nəzərdə tutulan görüşləri isə 21-23 fevral tarixlərində oynanılacaq. 

Qeyd edək ki, fevralın 6-da baş vermiş dağıdıcı zəlzələ Türkiyənin 10 vilayətində 13,5 milyon insana təsir göstərib. Zəlzələdə ölənlərin sayı 5 894 nəfərə çatıb, 34 810 nəfər yaralanıb.