Messi yenə də Ronaldonu keçdi

Avropada 2014/15 mövsümünün ən yaxşı futbolçularının adları müəyyənləşib. 

Çempionlar Liqasının Monakoda keçirilən püşkatma mərasimində UEFA ötən mövsümün ən yaxşısını mükafatlandırıb. 

5-ci dəfə keçirilən sorğunun qalibi "Barselona"nın ulduz futbolçusu Lionel Messi olub. Argentinalı hücumçu bununla da ikinci dəfə sözügedən mükafata sahib çıxıb. İkinci yeri portuqaliyalı Kriştianu Ronaldo, üçüncülüyü isə uruqvaylı Luis Suares qazanıb. 

Nüfuzlu mükafatın əvvəlki qalibləri argentinalı Lionel Messi (2011), ispaniyalı Andres İnyesta (2012), fransalı Frank Riberi (2013) və portuqaliyalı Kriştianu Ronaldo (2014) olub. (futbolinfo.az)

Ölkə.Az