Prosineçki dörd futbolçunu millidən göndərdi

Futbol üzrə Azərbaycan millisi AÇ-2016-nın seçmə mərhələsi çərçivəsində Xorvatiya və Maltaya qarşı keçirəcəyi oyunlara hazırlığı davam etdirir.

Ölkə.Az sport7.az-a istinadən xəbər verir ki, seçməmizin baş məşqçisi Robert Prosineçki daha dörd futbolçunun xidmətindən imtina edib.

Xorvatityalı seçimini daha çox gənc futbolçulardan yana edib. o, Nurlan Novruzov, Ürfan Abbasov, Seymur Əsədov və Rəhman Hacıyevi heyətdən kənarlaşdırıb. Millimizin sözügedən qarşılaşmalara 25 futbolçu ilə hazırlaşmalı olacaq.

Xatırladaq ki, bundan başqa atası vəfat edən Elvin Məmmədov da Prosineçki tərəfindən millidən azad edilmişdi.

Ölkə.Az