“Qarabağ” yeni transferlərini rəsmən açıqladı

"Qarabağ" yeni transferləri ilə münasibətlərini rəsmiləşdirib.

Ağdam təmsilçisi "transfer pəncərəsi"nin son günündə 2 keçidi həll edib.

"Atlılar"ın ilk transferi Samuel Kristian Nunez Jansson Armenterosdu. 25 yaşlı futbolçu son klubu Hollandiya erediviziya təmsilçisi "Vilhem II" olsa da, o, "Anderlext"ə məxsusdu. İsveçin aşağı yaş qruplarında forma geyən hücumçu ötən mövsüm komandasında 29 oyunda 11 qol vurub. Daha öncə "Feyenord"un da formasına geyinən forvardla 2 illik müqavilə bağlanılıb.

Son çempionun digər transferi isə Migel Markos Maderadı. İspaniyalı yarımmüdafiəçinin sonuncu klubu "Makkabi" (Hayfa) olub. Karyerasına "Sportinq"də (İspaniya) başlayan 29 yaşlı futbolçunun "Birmingem"in ardından AEK-ə keçib. Karyerasının ən yaxşı dönəmi isə ölkəsinin "Xetafe" klubunda keçirib. 3 il La liqada oynayan "Michel" ləqəbli futbolçu sonuncu mövsümü İsraildə keçirib.

Hər 2 futbolçuyla 2 illik müqavilə bağlanılıb. Adı çəkilən futbolçuların adları Avropa Liqasına göndərilmiş siyahıya salınıb.

Qeyd edək ki, 3 cəbhədə mübarizə aparan "Qarabağ" daha bir transferi reallaşdırmaq ərəfəsindədi. Klub Makedoniya millisinin üzvü Vladimir Dimitrovskini də sıralarına qatmaq üçün cəhd göstərib. Ağdmlılar və futbolçu arasında razılıq əldə olunsa da, tərəflrədən asılı olmayan səbəblərdən dolayı transfer gecikir. Amma Dimitrovskiylə müqavilə bağlanacağı istisna deyil.qafqazinfo.az

Ölkə.Az