İbrahimoviç üçün kədərli gün: karyerasını bitirdi - VİDEO

İsveçli futbolçu Zlatan İbrahimoviç karyerasını başa vurduğunu açıqlayıb.

Ölkə.Az xəbər verir ki, 41 yaşlı ulduz bu qərarını A seriyasının sonuncu turunun “Milan” – “Verona” matçından sonra bəyan edib.

“Nəfəs almaq mənim üçün çətindir, amma hər şey yaxşıdır. Ailəmə səbirlərinə görə təşəkkür edirəm. İkinci futbolçulara, məşqçiyə, heyətə, menecerlərə təşəkkür edirəm. Nəhayət, sizə, azarkeşlərə ürəkdən təşəkkür etmək istəyirəm. Futbolla sağollaşıram, sizlərlə yox".
Qeyd edək ki, İbrahimoviç 2022/2023 mövsümündə  "Milan"ın heyətində bütün yarışlarda 4 matça çıxıb ə 1 qol vurub. Son vaxtlar isveçli hücumçunun "Monza" ilə müqavilə imzalamağa yaxın olduğu haqda xəbərlər yayılmışdı.

Karyerası boyunca “Ayaks”, “Yuventus”, “İnter”, “Milan”, “Barselona”, “Mançester Yunayted” PSJ, “Los Anceles Qalaksi” kimi müxtəlif klublarda oynamış İbrahimoviç ümumilikdə meydana çıxdığı 819 matçda 493 qola imza atıb.