2023-cü ildə kariyerasını bitirən futbolçular
2022-2023-cü il mövsümünün bitməsi ilə bir çox ulduz futbolçular kariyerasını bitirmə qərarı alıb.
Bakupost.az həmin futbolçuları təqdim edir.
Emmanuel Adebayor - O, "Arsenal", "Mançester Siti" və "Tottenhem" forması ilə Premyer Liqada bir çox matça çıxıb. Toqolu əfsanəvi ulduz Türkiyənin “Başakşehir” və “Kayserispor” klublarının da formasını geyinib.
Qaret Beyl - Tottenhem-də parlayan ulduz “Real Madrid”dəki uğurları ilə adını futbol tarixinə yazıb. Uelsli oyunçu son olaraq “Los Anceles” klubunda oynadıqdan sonra kariyerasını sonlandırmaq qərarına gəlib.
Burak Yılmaz - Türkiyə futbolunun əfsanəvi futbolçularından olan Burak Yılmaz da bu həftə keçirdiyi mətbuat konfransında futbolu tərk etdiyini açıqlayıb. “Kral” ləqəbli hücumçu “Lill”, “Fortuna Sittard” və “Pekin Qouan” kimi komandalarda çıpxış edib.
Fernando Llorente - İspaniya Milli Komandasında Dünya Kuboku və Avropa Çempionatının sevincini yaşayıb. O, “Yuventus”, “Tottenhem”, “Napoli”, “Sevilya” kimi komandalarda oynayıb.
Mesut Özil - “Real Madrid”, “Arsenal” və Almaniya Milli Komandasında göstərdiyi performansla dünyanın ən yaxşı futbolçuları arasında adı çəkilir. Türkiyədə “Fənərbaxça” və “Başakşehir” klublarının formaısnı geyinib. Daha sonra zədələndiyi üçün futboldan çəkilib.
Xoakin Sançes - İspaniya futbolunun əfsanəvi adlarından biridir. “Real Betis”in uğurlu futbolçusu 41 yaşında futbolla vidalaşıb.
Joao Miranda - "Atletiko Madrid" forması ilə qazandığı uğurlarla İspaniya komandasının əfsanələrindən birinə çevrilib. Müdafiəçi, vətəni Braziliyanın "San Paulo" klubunda oynadıqdan sonra karyerasını başa vurub.
Marek Hamsik - "Napoli"nin əfsanəsi olub və "Trabzonspor"un uzun illərdən sonra gələn çempionluğunda böyük rol oynayıb. Slovakiyalı futbolçu "Alanyaspor"la matçından sonra peşəkar futbol həyatına son qoyub.
Kostas Mitroqlu - Yunanıstanlı futbolçu bir müddət Türkiyənin “Qalatasaray” komandasında yer alıb və çempionluğu dadıb. Lakin daha sonra kariyerasını sonlandırıb.
