Avropa Oyunları: Məhəbbət Hümbətov mübarizəni dayandırıb
Muay-tay üzrə Azərbaycan millisinin üzvü Məhəbbət Hümbətov Polşada təşkil olunan III Avropa Oyunlarında mübarizəni dayandırıb.
"Ölkə.az" xəbər verir ki, 71 kq çəki dərəcəsində çıxış edən idmançı 1/4 finalda məğlub olub.
O, yerli döyüşçü Yakub Payevskiyə 28:29 hesabı ilə uduzaraq, turnirlə vidalaşıb.
Qeyd edək ki, Azərbaycan millisinin digər üzvü Xəyal Əliyev (67 kq) yarımfinala vəsiqə qazanaraq, minimum bürünc medalı təmin edib.