14 il sonra qol vurdu, müdir qəzəbləndi

 

Bu tarixi statistika Litva ilə keçirilən matçda qeydə alınıb. Avropa Çempionatının seçmə mərhələsində Vilnüsda Matteo Vitaiolinin qolu “cırtdan” ölkənin yığması üçün tarixə düşüb.   Hətta bu qarşılaşmada səfərdə Litvadan 1 xal qazanmaq imkanı da olub, 90-cı dəqiqədə litvalı Spalvisin vurduğu qol buna imkan verməyib. San-Marinonun qolu isə 1990-cı ildən bəri Avropa Çempionatının seçmə mərhələlərində vurduğu 5-ci qol kimi yadda qalıb.   

 

Litvanın qapısını silkələyən futbolçu isə bir fabrikdə işləyir. Millinin təşkilatçılıq üzrə meneceri Alan Qasperoni deyib ki, fabrik müdiri vurulan qoldan qəzəblidir. Çünki futbolçu çərşənbə günü saat 7-də fabrikdə işinin başında olmalıdır, amma komandanın Litvadan vətənə qayıtması bir az yubanır. San-Marino tarixində üç dəfə heç-heçəyə nail olub. Bu nəticə Latviya, Estoniya və Türkiyə ilə oyunlarda qeydə alınıb. Komanda tarixində ilk dəfə künc zərbəsini də Türkiyəyə vurub. Qeyd edək ki, San-Marinonun 30 min əhalisi var. (axar.az)