Ronaldo “Real” tarixində ən yaxşı bombardir oldu

Kriştiano Ronaldo İspaniya çempionatı çərçivəsində “Real” klubunun heyətində vurduğu qolların sayına görə əfsanəvi Raulu da keçərək yeni rekord müəyyən edib.

Portuqaliyalı hücumçu “Espanyol”a qarşı səfər oyununda 5 top vuraraq La Liqadakı qollarının sayını 230 çatdırıb. O, bu göstəriciyə görə, klubun əvvəlki kapitanı, İspaniya çempionatında 228 qol vurmuş Raulu qabaqlayıb.

İspaniya çempionatında bombardirlərin ümumi siyahısına isə “Barselona”nın hücumçusu Lionel Messi (286 qol) başçılıq edir. İkinci yerdə “Atletik”in keçmiş hücumçusu Telmo Sarra (251), üçüncü yerdə isə “Real” və “Rayo Valekano”nu keçmiş futbolçusu Uqo Sançes(234) qərarlaşıb. (oxu.az)

Ölkə.Az