Azərbaycan Olimpiada-2028 uğrunda mübarizə aparmaq qərarına gəldi

Almaniya eyni ildə Olimpiada-2024-ü və futbol üzrə Avropa Çempionatını keçirmək iqtidarındadır. Belə ki, ölkənin iri idman yarışlarının keçirilməsi üçün lazımi infrastrukturu və təcrübəsi mövcuddur.

“Reuters”in məlumatına görə, bu fikri Beynəlxalq Olimpiya Komitəsinin prezidenti Tomas Bax bildrib.

Oxu.Az xəbər verir ki, çərşənbə günü Beynəlxalq Olimpiya Komitəsi, Olimpiada 2024-ün keçirilməsi üçün Hamburqun daxil olduğu namizədlərin yekun siyahısını elan edib. Almaniya Futbol Ittifaqı bu il Avropa çempionatının matçlarını da qəbul etməyi planlaşdırır. Matçlar Oyunların başlamasından bir neçə həftə öncə keçiriləcək.

“Düşünürəm ki, bu mümkündür, belə ki, yarışlar arasında bir neçə həftə fasilə olacaq və onlar bir-birinə mane olmayacaq, - Bax qeyd edib. – Eləcə də hesab edirəm ki, heç kəs Almaniyanın təşkilatçılıq bacarığına şübhə etmir”.

Bax futbol üzrə Avropa çempionatının təşkil edilməsi üçün ölkədə lazımi infrastrukturun mövcud olduğunu, Hamburq Olimpiadanın paytaxtı seçildiyi təqdirdə bunun Oyunlara hazırlıq planlarına mane olmayacağını vurğulayıb.

Baxın sözlərinə görə, Beynəlxalq Olimpiya Komitəsi və Azərbaycan tərəfi Bakının 2024-cü ilin Olimpiya Oyunları uğrunda mübarizəyə qoşulmaması, əvəzində 2028-ci il Yay Olimpiya Oyunlarının keçirilməsi üçün ərizə verməyə hazırlaşması barədə razılıq əldə ediblər.

Hamburqdan başqa Yay Olimpiya oyunları 2024-ün keçirilməsi üçün Paris, Roma, Budapeşt və Los-Anceles mübarizə aparacaqlar.