İranlıların Ronaldo sevgisi və çılğınlığı şok effekti yaratdı - VİDEO

İranlı futbol azarkeşlərinin Səudiyyə Ərəbistanının “Əl-Nəsr” klubunun hücumçusu Kriştiano Ronaldoya görə çılğınlıq etməsi böyük maraq doğurub.

Ölkə.Az xəbər verir ki, onlarla fanat Tehranda ulduz futbolçunun qaldığı hotelə axın edib.

Ronaldo azarkeşləri onun adını uca səslə hayqırıblar və bir yerdə ənənəvi “siu” qol sevincini təqlid ediblər.

Fanatlar həmçinin “Əl-Nasr” avtobusunun arxasınca qaçıblar. Ümumiyyətlə, insanların portuqaliyalı ulduzun gəlişinə belə reaksiya verməsi dünya ictimaiyyəti tərəfindən də maraqla qarşılanıb.

Sözügedən görüntülər sosial mediada platformalarında diqqət çəkən paylaşımlar sırasında ön cərgələrdə yer alıb.

Xarici idman saytları bildirir ki, çox güman ki, Ronaldo özü də belə qarşılanacağını gözləmirdi.

Qeyd edək ki, Asiya Futbol Konfederasiyasının (AFC) Çempionlar Liqası çərçivəsində yerli "Persepolis" klubu ilə oyun üçün “Əl-Nasr” Tehrana gəlib.