Ronaldonun Messi ilə bağlı paylaşıma reaksiyası dünya gündəmində - FOTO
Messi “Qızıl top”u qazanmamışdan öncə “AS”nin Real Madrid üzrə baş redaktoru olan Tomas Roncero onun “Ballon d'Or” mükafatını təkrar alacağını söyləmişdi və argentinalı oyunçunu vaxtından əvvəl təbrik etmişdi.
Ölkə.Az xəbər verir ki, Kriştiano Ronaldo isə instaqramda paylaşılan postun rəy bölməsinə ardıcıl bir neçə gülüş smayliki yerləşdirib.
Daha sonra Tomas Roncero yazıb: "Salam dostlar, bildiyimiz bir şey baş verdi. Onlar onsuz da Messi'yə daha bir “Ballon d'Or” verəcəkdilər. O, Dünya çempionatını 6 penalti ilə qazandı və daha sonra Mayamiyə təqaüdə getdi. Dünya çempionatına hazırlaşmaq üçün PSJ-də artıq təqaüdə çıxmış kimi görünürdü".
O qeyd edib ki, Messi 8 “Ballon d'Or” alıb, əslində, bu say 5 olmalı idi: “Xavi-İniyesta, bir mövsümdə 6 kubok qazanan Levandovski və bu il də Holann almalı idi. Holann çıxış etdiyi bütün turnirlərin bombardiri oldu. Dünya çempionatı 10 ay əvvəl idi”.
Ölkə.Az