“Fənərbaxça”nın növbəti dəfə başı dərddədir

Türkiyənin "Fənərbaxça" klubu daha bir məhkəmə qalmaqalı ilə gündəmə gəlib.

Hollandiyalı məşhur futbolçu Aryen Robben İstanbul təmsilçisini məhkəməyə verib.

Qardaş ölkə mətbuatının yazdığına görə, buna səbəb "sarı-lacivərdlilər"in bir reklam filmində Robbenin adını icazəsiz olaraq hallandırmasıdır. Belə ki, klubun baş sponsoru "Yandex"lə birgə hazırladığı videomaterialda Robben transferi üçün "bikini yaz, Robben gəlsin" şüarını səsləndirmişdi. Məhz bu reklam çarxı da həm klubun, həm də sponsorun başına iş açıb.

Qeyd edək ki, "Fənər" bir müddət öncə hazırda Münhen "Bavariya"sında (Almaniya) çıxış edən Robbeni transfer etmək istəyirdi. (qafqazinfo)

Ölkə.Az