AZAL “Rəvan”a qalib gəldi
Bu gün Topaz Premyer Liqasının 7-ci turunun oyunlarına start verilib.
Turun ilk görüşündə AZAL doğma meydanda “Rəvan”ı qəbul edib.
Qarşılıqlı hücumlar şəraitində keçən oyunda azərkeşlər cəmi bir qolun şahidi olublar.
Meydan sahiblərinə qələbə gətirən yeganə qolu oyunun 7-ci dəqiqəsində Nuqzara Kvirtiya vurub.
AZAL bu qələbədən sonra hesabındakı xalların sayını səkkizə çatdırdı və turnir cədvəlində 8-ci pilləyə yüksəldi. “Rəvan” isə 10-yerdə qərarlaşıb.
Turnirə 14 xalla “Qarabağ” başçılıq edir. (oxu.az)
Ölkə.Az
