Qurban Qurbanovdan görünməmiş addım

Azərbaycan Premyer Liqasının 7-ci turunun "İnter" - "Qarabağ" qarşılaşmasında maraqlı hadisə yaşanıb.

Son dəqiqələrdə "İnter"in qapıçısı Lomaya Reynaldoya qarşı kobud oynayıb. Bu zaman hakim Elvin Əsgərov meydan sahiblərinin qapısına penalti təyin edib və Lomayanı meydandan qovub. Zərbəni vurmağa hazırlaşan Elvin Məmmədovu yanına çağıran Qurban Qurbanov ondan topu kənara vurmağı tələb edib. Futbolçu baş məşqçinin tələbini yerinə yetirib.

Qeyd edək ki, bundan əvvəlki turda - "Qarabağ" - "Nefçti" oyununda qonaq komandanın qapısına son dəqiqədə penalti təyin olunub. Ağdam klubu penaltini dəqiq yerinə yetirməklə məğlubiyyətdən qaçıb. Hakimin "Qarabağ"ın lehinə penalti təyin etməsi isə söz-söhbətə səbəb olub . Həmin vaxt matçdan sonra "Qarabağ"ın baş məşqçisi komandasının penaltiyə ehtiyacı olmadıqlarını bildirib. Q.Qurbanov hakimləri onların lehinə penalti təyin etməməyə çağırıb . (sport7.az)

Ölkə.Az