Adı "Real"la hallanan Mbappe: "İnsanlıq üçün tələb olunan davranışları itirmişəm"

PSJ-nin ulduzu Kilyan Mbappe məşhur insan olmağın çətinliklərindən danışıb.

Qaynarinfo-nun məlumatına görə, "Envoye Special"a müsahibə verən fransız ulduz populyarlığın mənfi tərəflərini önə çıxarıb. O, şəxsiyyətini itirdiyinə inanır. Hücumçu açıqlamasında, "Başqalarına əhəmiyyətsiz görünən şeyləri edə bilmək üçün dünyanı verərdim. Hətta çörək almaq üçün çörəkxanaya getməyi də... Təbii mənliyimi, insanlıq üçün tələb olunan davranışları itirmişəm. 48 saat gözəgörünməz olsaydım, o iki günü çöldə keçirərdim. Heç düşünmədən bunu edərdim. Gedin bir yerdə sakitcə yemək yeyin, çölə çıxın, dostlarınızla birlikdə olun, sizi heç kimin görmədiyi əyləncələrə qatılın, gözəl vaxt keçirin. Ertəsi də terrasda günəş altında səhər yeməyi... Bu qədər" - ifadələrinə yer verib.

Mbappe "Monako"dan PSJ-yə transfer olunduqdan sonra yüksəlməyə davam edir. Paris klubu ilə mövsümün sonunda müqaviləsi bitəcək fransız ulduzun "Real"a transfer olunacağı ilə bağlı şayiələr də var.