Zidan üçün sürpriz təklif: Avropa nəhəngi qapısını döydü

Almaniyanın "Bayern" ("Bavariya") futbol klubunun rəhbərliyi artıq Zinəddin Zidanla əlaqə saxlayıb.

Ölkə.Az xəbər verir ki, bu barədə "Corriere dello Sport" yazıb.

Bildirilir ki, "Bavariya" rəhbərliyi Zinəddin Zidanı komandanın baş məşqçisi postuna dəvət etməkdə maraqlıdır.

Mənbənin məlumatına görə, Münhen komandası artıq fransalı mütəxəssisin nümayəndələri ilə əlaqə saxlayıb. Qeyd olunur ki, "Bavariya" istənilən halda hazırkı komandanın baş məşqçisi Tomas Tuxellə yollarını ayıracaq - ya yaxın vaxtlarda, ya da mövsümün sonunda.

Xatırladaq ki, Zidan uzun müddətdir ki, işsizdir. Fransalı mütəxəssisin son klubu "Real Madrid" olub.

Qeyd edək ki, bundan öncə yayılan məlumatlara görə, Zinəddin Zidan yalnız Fransa millisində işləmək niyyətindədir. O, başqa yerdə çalışmağı planlaşdırmır. Zidan məhz bu səbəbdən Əlcəzair yığmasının sükanı arxasına keçmək təklifindən imtina edib.

Fransa millisinin baş məşqçisi Didye Deşamın müqaviləsi 2026-cı ilədək qüvvədədir.