Cavid Qurbanov: \"Mənim üçün dünyada bundan yaxşı heç nə ola bilməz\" - VİDEO

"Bu gün Xankəndidəyik. Bundan gözəl, bundan fəxarətli, bundan şərəfli nə var ki?!"

Ölkə.Az xəbər verir ki, bu sözləri Gənclər və İdman Nazirliyinin Azərbaycan Atletika Federasiyası və Bakı Şəhər Halqası (BŞH) Əməliyyat Şirkətinin birgə təşkil etdiyi Xankəndi–Bakı ultra marafonunun açılış mərasimində Federasiyanın prezidenti Cavid Qurbanov deyib.

"Biz neçə illərdir bu ağrı-acını hamımız bərabər yaşamışıq. Özünüz bilirsiniz ki, mən əslən kəlbəcərliyəm. Düz, 30 il öncə mən o rayondan çıxmışdım. Amma sonra möhtərəm cənab Prezidentin başçılığı altında bizim müzəffər ordumuz torpaqlarımızı, o cümlədən Xankəndini  azad etdi. Bu gün biz sizinlə burada tədbir keçiririk. Mənim üçün dünyada bundan yaxşı heç nə ola bilməz. Hər bir azərbaycanlı üçün bu fəxarətdir. Xeyirli-uğurlu olsun! Gözümüz aydın olsun! Qarabağ Azərbaycandır!" , - deyə o əlavə edib.

Billurə