Tanınmış hakim Ramin Musayevə "şərəfsiz" dedi

Qalmaqallı çıxışları ilə tanınan keçmiş FİFA referisi Babək Quliyev bu dəfə də "Facebook" sosial şəbəkəsi vasitəsi ilə səs-küy gətirəcək status paylaşıb.

Ölkə.Az xəbər verir ki, bir müddət əvvəl jurnalist, köşə yazarı Emin Abbasovun yazısına, keçmiş FİFA referisi sərt şəkildə münasibət bildirib. Yazıda Emin Abbasov AFFA-nın baş katibi Elxan Məmmədovun “Natavan” Biznes Mərkəzinin keçmiş direktoru , PFL-in prezidenti Ramin Musayevin isə təqaüddə olan polis zabiti olduğunu yazıb. Yazıda qeyd olunub ki, futbol qurumunda qeyri-peşəkarlar əvəzinə Azərbaycan futboluna futbol anlayışı olanlar başçılıq etməlidir.

E.Abbasov həmçinin öz namizədlərinin də adını açıqlayıb. Bildirib ki, millinin keçmiş oyunçuları Ceyhun Sultanov və Aslan Kərimov, həmçinin hazırki kapitan Rəşad Sadıqov AFFA-nın vitse-prezidenti olmağa layiqdirlər.

Bu xəbərdən sonra isə Babək Quliyev sərt ifadələrlə Emin Abbasova sual ünvanlayıb.

Ölkə.Az statusu olduğu kimi sizə təqdim edir:

"Dostum Emin Abbasova bir sualım var. Emin "Natavan" Biznes Mərkəzində rəhbər işləyib, sonra gəlib AFFA-nın baş katibi olmaq düzdür, yoxsa polis zabiti olaraq şərəfsizlik edən, poqonları sökülən birisinin gəlib PFL prezidenti olması? Bir də əziz dost, o geydirmə Ramin ki, var, (Ramin Musayevi nəzərdə tutur-red.) o təqaüddü olan polis zabiti ola bilməz. Poqonları sökülən heç vaxt təqaüddə olan polis zabiti ola bilməz".