\"Qarabağ\"ın rəqibi \"Monako\"nu tanıyaq

Sabah Avroliqanın 3-cü turu çərçivəsində "Qarabağ" səfərdə "Monako" klubuyla qarşılaşacaq. Təmsilçimizin adlı - şanlı rəqibini yaxından tanıyaq.

1924-cü il də əsası qoyulan "Monako", Fransanın ən titullu klublarından biridir. Komanda ev oyunlarını 18523 nəfər tamaşaçı tutumuna malik "Stade Louis II" stadionunda keçirir. Komandanın əsas rəngləri qırmızı və ağdır.

Knyazlıq təmsilçisi ev oyunlarına qırmızı-ağ, səfər oyunlarına isə göy rəngli formada çıxır.

Bir müddət Fransa 2-ci liqasında çıxış edib. Klubun prezident postuna rus biznesmen Dmitry Rybolovlev gəldikdən sonra fransalılar əvvəlki gücünü özünə qaytarmağı bacarıb.

"Monako" tarixi ərzində 7 dəfə Fransa çempionu olub. Həmçinin 1 dəfə Çempionlar Liqası turnirində finala qədər gəlib çıxmağa nail olub. Elə 2014-2015-cü illər mövsümündə Çempionlar liqasının 1/4 final mərhələsinə qədər irəliləyib.

Son mövsümü 3-cü yerdə başa vuraraq Çempionlar Liqasının pley-off mərhələsinə vəsiqə qazanan monakolular bu mərhələdə İspaniyanın "Valensiya" klubuna evində qalib gəlsə də (2-1), səfərdə məğlub olaraq (3-1) Avroliqanın qrup mərhələsinə düşüb.

"Qarabağ"ın rəqibi hazırda qrupda 2 turdan sonra 2 xalla 3-cü yerdə qərarlaşır.

Ölkə.Az