"Qarabağ" və "Qəbələ" üçün çətin sınaq

Bu gün Avropa Liqasının qrup mərhələsində III turun oyunları keçiriləcək.

Ölkə.Az xəbər verir ki, turnirdə çıxış edən təmsilçilərimiz “Qarabağ” və “Qəbələ” bu axşam növbəti oyunlarına çıxacaqlar.

Qurban Qurbanovun yetirmələri "Monako" səfərindən xalla dönməyə çalışacaq. "Qəbələ" isə "Bakcell Arena" da Dortmund "Borussiya"sını qəbul edəcək.

Qardaş Türkiyənin də iki komandası- “Fənərbaxça” ilə “Beşiktaş” növbəti oyunlarına çıxacaqlar. A qrupunda sonuncu yerdə qərarlaşan "Fənərbaxça" “Ayaks”ı qəbul edəcək. H qrupunun ikincisi “Beşiktaş” isə qrup lideri “Lokomotiv”lə Rusiyada münasibətlərinə aydınlıq gətirəcək.

Avropa Liqası
Qrup mərhələsi, III tur
22 oktyabr

C qrupu
20:00. “Qəbələ” – “Borussiya” (Dortmund, Almaniya)
Bakı. “Bakcell Arena” stadionu

J qrupu
22:00. “Monako” (Fransa) – “Qarabağ”
Monako. “Lui II” stadionu

Ölkə.Az