Qriqorçuk Ukrayna millisinə gedəcəkmi?

Son zamanlar mətbuatda "Qəbələ"nin baş məşqçisi Roman Qriqorçukun Ukrayna millisinə gedəcəyi ilə bağlı məlumatlar yayılıb.

Ölkə.Az məsələ ilə bağlı klubun mətbuat katibi Səbuhi Səfiyarlıdan açıqlama alıb. Səfiyarlı bildirib ki, Qriqorçukun mövsümün sonunadək klubla müqaviləsi var.

"Bu mövzudakı sualları baş məşqçi şərhsiz buraxır. Roman Qriqorçukun mövsümün sonuna qədər komanda ilə müqaviləsi var və har-hazırda məşqçi yalnız ölkə çempionatı, Avroliqa və ölkə kuboku haqda fikirləşir."

Təcrübəli mütəxəssisin Ukrayna millisindən rəsmi təklif alıb-almaması ilə bağlı sualı mətbuat katibi belə cavablandırıb.

"Bu mövzuda açıqlama verilmir. Müqavilə bitənə qədər baş məşqçi "Qəbələ" haqda düşünür."

Qeyd edək ki, mətbuatda çıxan xəbərlərə görə "Qəbələ" futbol klubunun baş məşqçisi Roman Qriqorçuka Ukrayna millisindən təklif gəlib. Məlumatlarda ukraynalı mütəxəssisin yayda ölkəsinin milli komandasının sükanı arxasına keçəcəyi deyilir.

Taleh Rəcəb
Ölkə.Az