Azərbaycanlı idmançı Fransada qələbə qazandı

Atçılığın dresaj növü üzrə Azərbaycan millisinin üzvü Aqata Zəhrabəyova Fransanın Le Man şəhərində keçirilən CDİP kateqoriyalı beynəlxalq yarışın qalibi olub.

Ölkə.az xəbər verir ki, bu barədə Azərbaycan Respublikası Atçılıq Federasiyası xəbər yayıb.

Məlumata görə, yarışın final mərhələsinə yüksələn təmsilçimiz rəqiblərini 75,9 faizlik balla qabaqlayaraq kubokun sahibi olub.

Qeyd edək ki, ilin sonunadək daha bir neçə beynəlxalq turnirdə iştirak etməsi planlaşdırılan A.Zəhrabəyova təlimlərini Azərbaycan Respublikası Atçılıq Federasiyasının təşkilatçılığı ilə Almaniyanın Düsseldorf şəhərində davam etdirir.

Xatırladaq ki, yarışda ümumilikdə 21 ölkə təmsil olunub.