Qurban Qurbanovdan qələbə şərhi

Bu gün Topaz Premyer Liqasında X tura start verilib.

"Qarabağ" öz meydanında "Rəvan"ı 1:0 hesabı ilə məğlub edib.

"Azərsun Arena"dakı matçdan sonra təşkil olunan mətbuat konfransında açıqlama verən ev sahibi komandanın baş məşqçisi Qurban Qurbanov qələbəni belə şərh edib:

“Vacib 3 xal qazandıq. Oyunun sönük keçməsi ilə mən də razıyam. Son 3 ayda futbolçuların normal istirahət üçün vaxt olmayıb. Bütün bunlara baxmayaraq, proqram üzərində işləyirik. Bu gün rəqibimiz də çox qapandı. Yəqin ki, məşqçinin tapşırığı belə idi. Oyun ərzində futbolçulara topla çox davranmağı tapşırmışdıq. Vüqarın qolu sayəsində 3 xal qazandıq və buna görə şadam”. qafqazinfo

Ölkə.Az