Serxio Ramos Kriştianu Ronaldu ilə komanda yoldaşı olacaq

İspaniyalı ulduz futbolçu Serxio Ramos yeni mövsümdən etibarən Səudiyyə Ərəbistanı klubunda çıxış edəcək.

Məlumata görə, ulduz futbolçu "Ən-Nəsr" klubu ilə danışıqları yekunlaşdırıb. Serxio Ramosun keçidində klubun idman direktoru Fernando Yerro da maraqlıdır.

Kriştianu Ronaldunun da Serxio Ramosa zəng edərək kluba qatılmasını təklif etdiyi bildirilir.

Qeyd edək ki, Serxio Ramos ötən gün "Sevilya" klubundan azad agent kimi ayrılmışdı.