Rəşad Əzizli: “Avropadan zəng gəlib, lakin bir məsələ var ki...”

Son mövsümü "Qəbələ" klubunda keçirən qolkiper Rəşad Əzizli Belçika klubuna keçə bilər. Ölkə.az-ın əldə etdiyi məlumata görə milimizin qapıçısı ilə İsveçrə və Finlandiya klubları maraqlanır.

Milimizin 30 yaşlı qapıçısi ilə klub rəsmiləri əlaqə saxlayıb, onunla ilkin danışıqlar aparıblar. Bununla R.Əzizli Ölkə.az saytına açıqlama verib. 

Təcrübəli qapıçı Avropa klublarının onunla əlaqə saxladığını bildirib: “Bir neçə gün öncə İsveçrə Super Liqasından və Finlandiyanin Birinci Divizionunda çıxış edən klublarının nümayəndələri əlaqə yaradıblar. Əsas bir-iki detallarla maraqlandılar və görüş barədə müzakirəmiz oldu. Başqa bir söhbət olmayıb, bundan başqa özüm də hazırda istirahət edirəm, bildiyiniz kimi, ötən həftə milinin düşərgəsindən istirahətə gəlmişik. Yəqin ki, bir neçə gün sonra yeni klub barəsində ciddi düşünəcəyik”.

Qeyd edək ki, Rəşad Əzizlinin adı hazırda ölkə klubları ilə də hallanır.