Neymar basketbolçu və boksçu ilə qumar oynadı
Braziliya millisinin və Səudiyyə Ərəbistanının "Əl-Hilal" hücumçusu Neymar "Mayami Hit"in basketbolçusu Cimmi Batler və meksikalı amerikalı ulduz boksçu Rayan Qarsiya ilə birgə poker oynayıb.
Müvafiq fotolar "Bleacher Report"un "X" sosial şəbəkəsindəki (keçmiş "Twitter") rəsmi hesabında yer alıb.
Xatırladaq ki, Neymar ötən ilin oktyabr ayından çarpaz bağın yırtılması ucbatından müalicə alır. 32 yaşlı futbolçunun reabilitasiya prosesinin ləngidiyi barədə məlumatlar yayılıb.
Batler zədə səbəbindən NBA pley-off mərhələsinin ilk raundunu buraxıb.
Qarsiya isə hələ aprelin 21-də həmyerlisi Devin Haneyi məğlub etdikdən sonra narkotik testindən keçə bilmədiyi üçün ən azı bir il müddətinə diskvalifikasiya edilib.
