Parataekvondoçumuz qızıl medal qazandı

Azərbaycan parataekvondoçusu Sabir Zeynalov Çxunçxon şəhərində keçirilən Koreya açıq beynəlxalq turnirində qızıl medal qazanıb.

"Ölkə.Az" Azərbaycan Milli Paralimpiya Komitəsinin mətbuat xidmətinə istinadən xəbər verir ki, 58 kq çəki dərəcəsində yarışan 18 yaşlı idmançı finalda özbəkistanlı rəqibini məğlub edib.

Qeyd edək ki, S.Zeynalov Paris-2024 Paralimpiya Oyunlarına lisenziya qazanıb.