Makqreqorun Həbibə mesajı qalmaqal yaratdı: Evinin ortasına... - FOTO

Dağıstan əsilli, rusiyalı UFC döyüşçüsü Həbib Nurməhəmmədovun mülklərinə həbs qoyulmasından sonra keçmiş rəqibi Konor Makqreqor ona mesaj yazıb.

Ölkə.Az xəbər verir ki, keçmiş məğlubiyyətin əvəzini çıxmaq istəyən Makreqor Həbibin evini almaq istəsiyini deyib. 

"Qardaşım, ailənin evini dövlətdən almaq üçün müraciət etmişəm, çünki sənin buna pulun çatmır. Evi aldıqdan sonra ortasına batıracağam. Qardaş, tualet kağızı hansı tərəfdədir?”,- deyə o yazıb.

Qeyd edək ki, bu ayın əvvəlində Rusiyada 3.5 milyon dollar vergi borcu olduğuna görə Həbib Nurməhəmmədovun Dağıstandakı evinə və lüks avtomobilinə, həmçinin bütün bank hesablarına həbs qoyulub.  Dövlət borcun qarşılanması üçün onun evini satışa çıxarıb.

Xatırladaq ki, 2018-ci ildə Las-Veqasda UFC 229 şousu çərçivəsində K.Makqreqor ilə H.Nurməhəmmədov arasında döyüş keçirilib. “T-Mobile” arenasında təşkil olunan döyüş Həbib Nurməhəmmədovun qələbəsi ilə başa çatıb. K.Makqreqor UFC-nin ən məşhur döyüşçülərindən biridir. Karyerası ərzində keçirdiyi 26 döyüşdən 22-də qələbə (19 vaxtdan əvvəl) qazanıb, 4 dəfə məğlub olub.

Billurə Yunus