Dünyanın ən yaxşı qapıçılarının reytinqi açıqlandı: Gürcü bu yerdə qərarlaşdı
Böyük Britaniyanın məşhur "Score90" portalı 2024-cü il üzrə dünyanın ən yaxşı qapıçılarının reytinqini dərc edib.
Publika.az xəbər verir ki, birinci sırada 2 həftə əvvəl Argentina millisi ilə Amerika Kubokunu qazanan Emiliano Martines qərarlaşıb. O, eyni zamanda "Aston Villa"nın üzvüdür.
Avro-2024-ün əsas kəşflərindən birinə çevrilən "Valensiya"nın gürcüstanlı qapıçısı Giorgi Mamardaşvili ikinci, İspaniya millisi ilə Avropa çempionu olan "Atletik"in "bir nömrə"si Unay Simon isə üçüncü sırada qərarlaşıb.
Siyahıda dördüncü yeri “Liverpul”un braziliyalı qapıçısı Alisson, beşinci pilləni isə “Borussiya Dortmund”da çıxış edən Qreqor Kobel tutur.
