Dünya hələ də ondan danışır: eynəksiz çempion olubmuş - arxiv VİDEOSU
Paris-2024 Yay Olimpiya Oyunlarında tapança yarışı zamanı rahat davranışları ilə medal qazanan türkiyəli idman atıcısı Yusuf Dikeç növbəti dəfə gündəmə gəlib.
Ölkə.Az xəbər verir ki, son 1 həftədə əli cibində perfomansı ilə müzakirələrə səbəb olan idmançının bu dəfə də arxiv görüntüləri yayılıb.
Sən demə, Y.Dikeçin qeyri-adi atış texnikasının ona uğur gətirməsi birinci dəfə deyil.
O, daha əvvəl də Almaniyanın Münhen şəhərində keçirilən 2011 ISSF Dünya çempionatında 10 m pnevmatik tapança ilə atış zamanı 1-ci yerə çıxaraq qızıl medal qazanıb.
Qeyd edək ki, Yusuf Dikeç 2008-ci ildən bəri hər Yay Olimpiya Oyunlarında iştirak edir. O, yarışlar zamanı atış üçün xüsusi avadanlıqlardan istifadə etmir.
Türkiyəli idmançı son olaraq qatıldığı "Paris-2024" Yay Olimpiya oyunlarında bu taktikası ilə gümüş medal qazanıb.
Sonuncu yarışlarda əli cibində qazandığı qalibiyyəti ilə o bütün dünyanda diqqət çəkməyi bacarıb.
Billurə
