Paris-2024: Azərbaycan güləşçisi qələbə qazanıb - YENİLƏNİB
Azərbaycanın yunan-Roma güləşçisi Sabah Şəriəti Fransanın paytaxtı Parisdə keçirilən Yay Olimpiya Oyunlarında növbəti görüşünə çıxıb.
"Report"un yarışa ezam olunan əməkdaşı xəbər verir ki, 130 kq çəki dərəcəsində yer alan idmançı 1/4 finalda qazaxıstanlı Alimxan Sızdıkovla qarşılaşıb.
Rəqibinə qalib gələn Şəriəti (4:0) yarımfinala yüksəlib.
***
Azərbaycanın yunan-Roma güləşçisi Sabah Şəriəti Fransanın paytaxtı Parisdə keçirilən Yay Olimpiya Oyunlarında mübarizəyə qoşulub.
"Report"un yarışa ezam olunan əməkdaşı xəbər verir ki, 130 kq çəki dərəcəsində yer alan idmançı estoniyalı Heyki Nabi ilə qarşılaşıb.
Yarışa 1/8 finaldan qoşulan Şəriəti rəqibinə qalib gəlib.
İdmançımız 1/4 finalda qazaxıstanlı Alimxan Sızdıkovla görüşəcək.
