“Barselona” yeni transferini açıqladı

İspaniyanın “Barselona” klubu Almaniyanın “Leypsiq” klubunda çıxış edən Dani Olmonu transfer edib.

“Qafqazinfo” xəbər verir ki, bu haqda Kataloniya təmsilçisinin rəsmi saytında məlumat verilib.

Qeyd olunub ki, tərəflər 26 yaşlı yarımmüdafiəçinin keçidi ilə bağlı razılığa gəliblər. Onun müqaviləsinin müddəti 2030-cu ilin yayınadək nəzərdə tutulacaq.

İspaniya yığması ilə AÇ-2024-ün qalibi olan Olmo ötən mövsüm Bundesliqa komandasında meydana çıxdığı 25 oyunda 8 qol və 5 məhsuldar ötürmə ilə yadda qalıb.