Fransalı atlet yarışda huşunu itirdi
Fransanın paytaxtı Parisdə keçirilən Yay Olimpiya Oyunlarına qatılan fransalı atlet Alessia Zarbo 10 kilometr məsafəyə qaçış yarışında huşunu itirərək yıxılıb.
Oxu.Az xarici KİV-ə istinadən xəbər ki, 22 yaşlı qadın idmançı yarışın 26-cı dəqiqəsində huşunu itirib.
Stadionun təhlükəsizlik xidmətinin əməkdaşları dərhal idmançıya ilkin tibbi yardım göstəriblər. Daha sonra atleti xərəyə qoyaraq qaçış zolağından çıxarıblar. Hadisəyə baxmayaraq, qaçış dayandırılmayıb.
Hələlik idmançının hansı səbəbdən huşunu itirdiyi qeyd edilmir.
