Paris-2024: Azərbaycan güləşçisi bürünc medal qazanıb - YENİLƏNİB

Azərbaycanın sərbəst güləşçisi Maqomedxan Maqomedov Fransanın paytaxtı Parisdə təşkil olunan Yay Olimpiya Oyunlarının bürünc medalını qazanıb.

"Report"un turnirə ezam olunmuş əməkdaşının məlumatına görə, 97 kq çəki dərəcəsində yer alan idmançımız üçüncü yer uğrunda görüşdə Ukrayna təmsilçisi Murazi Mçelidze ilə üz-üzə gəlib.

Görüş təmsilçimizin 8:0 qələbəsi ilə yekunlaşıb. Bununla da M.Maqomedov ölkəmizin aktivinə növbəti bürünc medalı yazdırıb.

Qeyd edək ki, bununla da Paris-2024-də yer alan idmançılarımızın çıxışları başa çatıb.

***14:07

Fransanın paytaxtı Parisdə təşkil olunan Yay Olimpiya Oyunlarında Azərbaycanın sərbəst güləşçisi Maqomedxan Maqomedovun növbəti rəqibi müəyyənləşib.

"Ölkə.az" xəbər verir ki, 97 kq çəki dərəcəsində yer alan idmançı bürünc medal uğrunda görüşdə Ukrayna təmsilçisi Murazi Mçelidze ilə üz-üzə gələcək.

Bürünc medal uğrunda qarşılaşmalar bu gün Bakı vaxtı ilə saat 14:35-də başlayacaq.

Qeyd edək ki, Paris-2024 bu gün başa çatacaq.