Millimiz üçün son şans
19 yaşadək futbolçulardan ibarət komandalar arasında Avropa çempionatının seçmə mərhələsinin Bakıda təşkil olunan 5-ci qrupunda bu gün ikinci turun oyunları keçiriləcək:
Ölkə.az xəbər verir ki, Nazim Süleymanovun komandası ikinci matçında Türkiyə ilə qarşılaşacaq. İlk oyunda ukraynalı həmyaşıdlarına 0:4 hesabı ilə məğlub olan millimiz qrupdan çıxmaq üçün Türkiyəni məğlub etməlidi.
"Bayıl Arena"da keçiriləcək oyun saat 18:00-da başlayacaq. Oyunu estoniyalı Eiko Saar idarə edəcək.
Qeyd edək ki, qrupun digər oyununu saat 14.00-da Bosniya və Herseqovina və Ukrayna arasında baş tutacaq. Görüşün baş hakimi norveçli Tore Hansendir.
Ölkə.az