“Neftçi”nin baş məşqçisi istefa verib?

“Neftçi”nin baş məşqçisi Roman Qriqorçukun istefa verməsi ilə bağlı xəbərlər yayılıb.

Ölkə.az xəbər verir ki, klubdan “Qafqazinfo”ya verilən məlumata görə, yayılan xəbərlər həqiqəti əks etdirmir.

Qeyd edək ki, “Neftçi” hazırda tarixinin ən bərbad mövsümünü keçirir. Klub geridə qalan 9 tur ərzində qələbə üzünə həsrət qalıb. Hazırda aktivində beş xalı olan bakılılar, turnir cədvəlinin 8-ci pilləsində qərarlaşıb. Qriqorçukun komandası bu gün Premyer Liqasının 9-cu turu çərçivəsində digər autsayder “Kəpəz”ə də 3:4 hesabı ilə uduzub.