"Ayaks" 34 il sonra klassik loqoya qayıdacaq

Amsterdam "Ayaks"ının baş direktoru Menno Qelen gələn mövsümdən etibarən klubun klassik loqotipinin geri qaytarılacağını rəsmən elan edib.

Ölkə.az Oxu.Az-a istinadən xəbər verir ki, bu barədə komandanın rəsmi saytı məlumat yayıb.

"Martın 18-də "Ayaks" 125 illik yubileyini qeyd edəcək. Klassik loqonun geri qaytarılması bu çərçivədə elan ediləcək. Biz bilirik ki, pərəstişkarlarımızın əksəriyyətinin bu arzusu uzun illərdir ki var və biz hiss etdik ki, 125 illik yubileyimiz klassik loqonu fanatlarımıza və özümüzə qaytarmaq üçün mükəmməl vaxtdır. Üstəlik, tarix göstərdi ki, biz "Ayaks"ın DNT-sinə sadiq qaldığımız zaman ən yaxşı nəticələrimizi əldə edirik. Buna görə də biz futbol fəlsəfəmizdən tutmuş əsas dəyərlərimizə qədər bu DNT-ni qorumaq üçün klub daxilində əlimizdən gələni edirik. Klassik loqonun geri qaytarılması bu öhdəliyi simvolizə edir və həm zəngin tariximizə hörmət, həm də klubumuz haqqında dəyər verdiyimiz hər şeyə əsaslanan gələcək üçün ilham mənbəyi kimi xidmət edir", - klubun rəsmi saytı Qelendən sitat gətirib.

Qeyd edək ki, "Ayaks" hazırda Niderland Erediviziyasında 11 oyundan sonra 26 xalla üçüncü pillədə qərarlaşıb.