Millətlər Liqası: Azərbaycan yığması böyük hesabla məğlub olub – YENİLƏNİB - VİDEO

Azərbaycan yığması UEFA Millətlər Liqasının qrup mərhələsində İsveçə böyük hesabla məğlub olub.

"Ölkə.az" xəbər verir ki, komanda C Liqasının I qrupunun son matçında 0:6 hesabı ilə uduzub.

"Stroberri Arena"da baş tutan qarşılaşmada Kulusevski (10, 57) dubl edib. Dyekereş (26,37, 58, 70) isə poker müəllifi olub.

Qeyd edək ki, bu nəticənin ardından C Liqasını 1 xalla sonuncu sırada başa vuran Fernandu Santuşun rəhbərlik etdiyi yığma D Liqasına yuvarlanıb.

***

Azərbaycan millisinin qapısına altıncı qol vurulur.

"Ölkə.az" xəbər verir ki, isveçlilərin heyərində 70-ci dəqiqədə Viktor Dyökereş poker edir - 6:0.

***

İsveçlilər qapımızdan növbəti - beşinci qolu keçiriblər.

"Ölkə.az" xəbər verir ki, 58-ci dəqiqədə Viktor Dyökereş het-trikə imza atıb - 5:0.

***

Ev sahibləri hesab fərqini artırıblar.

"Ölkə.az" xəbər verir ki, Viktor Dyökereş 36-cı dəqiqədə yenidən adını tabloya yazdırıb - 3:0.

***

Matçda növbəti qol vurulub.

"Ölkə.az" xəbər verir ki, meydan sahibləri fərqi artırıblar - 2:0.

Viktor Dyökereş 26-cı dəqiqədə fərqlənib.

***

Azərbaycan-İsveç oyununda hesab açıldı.

"Ölkə.az" xəbər verir ki, 10-cu dəqiqədə Deyan Kulusevski İsveçi hesabda önə keçirir - 1:0.

***

UEFA Millətlər Liqasının İsveç - Azərbaycan oyununa start verilib.

"Ölkə.az" xəbər verir ki, C Liqasının I qrupunun görüşü “Stroberri Arena"da keçirilir.

Qarşılaşmanı polşalı FIFA referisi Pavel Raçkovski idarə edir.

***

Bu gün UEFA Millətlər Liqasında üz-üzə gələcək İsveç və Azərbaycan yığmalarının start heyətləri açıqlanıb.

"Ölkə.az" xəbər verir ki, milli komandalar meydana aşağıdakı "11-lik"lə çıxacaqlar:

Azərbaycan: Rza Cəfərov, Amin Seydiyev, Bəhlul Mustafazadə, Bədavi Hüseynov, Aleksey İsayev, Coşqun Diniyev, Ozan Can Kökçü, Toral Bayramov, Anton Krivotsyuk, Nəriman Axundzadə, Mahir Emreli

İsveç: Conasson, Strafelt, Auqustinsson, Sema, Ayari, Karlström, Kulusevski, Saletros, Nanasi, Gökereş, İsak.

Qeyd edək ki, “Stroberri Arena"da baş tutacaq qarşılaşma Bakı vaxtı ilə saat 23:45-da start götürəcək.