Luis Suares ABŞ klubu ilə müqavilə müddətini artırıb

Ölkə.az "Report"a istinadən xəbər verir ki, 37 yaşlı hücumçunun yeni sözləşməsi 2025-ci ilin sonuna qədər nəzərdə tutulub.

Uruqvaylı oyunçu "İnter Mayami"yə 2024-cü ilin əvvəlində azad agent kimi qoşulub. O, bu klubun heyətində 37 matçda 25 qol vurub.

Qeyd edək ki, L.Suares "Barselona", "Liverpul", "Atletiko" (Madrid) və "Ayaks" kimi klublarda çıxış edib.