2024-cü ilin ən yaxşı futbolçusu seçildi
"Real Madrid"in vingeri Vinisius Junior "FIFA Best" mərasimində 2024-cü ilin ən yaxşı futbolçusu seçilib.
"Ölkə.az" xəbər verir ki, bu barədə Championat.com məlumat yayıb.
Məlumata görə, ilin qapıçısı "Aston Villa"nın və Argentina millisinin qolkiperi Emiliano Martinez olub.
"Ferents Puşkaş" adına mükafata isə "Mançester Yunayted"in futbolçusu Alexandro Qarnaço layiq görülüb. Onun "Everton"a akrobatik tullanışla vurduğu qol ilin ən gözəl qolu seçilib.
