Klub sahibi gənc istedad haqda elə nalayiq ifadə işlətdi ki…
Keçən yay “Lion”un fransız yarımmüdafiəçisi Rayan Çerki Dortmund “Borussiya”sına keçə bilərdi, lakin transfer reallaşmadı.
Ölkə.az Publika.az-a istinadən xəbər verir ki, “Lion”un sahibi olan amerikalı iş adamı Con Tekstorun Rayanla da maraqlanan Avropa klublarından birinin prezidenti ilə yazışmaları internetə sızdırılıb.
Yazışmada 59 yaşlı amerikalı futbolçu və alman klubu ilə bağlı nalayiq ifadələr işlədib:
“İyulun 4-üdür və mən hələ də imzalamaq istədiyiniz bu balaca əclafı (Rayan Çerki) dinləyirəm. Hələ də imzalamaqda maraqlısınız?
Dortmundlular ilk dəfədir ki, bizimlə danışır və mən onlara məmnuniyyətlə deyəcəyəm ki, cəhənnəmə getsinlər… Sadəcə bilməliyəm ki, siz hələ də bu oyunçunu istəyirsiniz. Təşəkkür edirəm”.
Bu mövsüm Rayan klub səviyyəsində 21 oyun keçirib, 5 qol vurub və 8 məhsuldar ötürmə verib.
