"Qarabağ" 14 pillə GERİLƏDİ - dünya reytinqi

Klubların dünya reytinqi açıqlanıb, təmsilçimiz "Qarabağ" mövqeyini qoruya bilməyib.

Ölkə.az axar.az-a istinadən bildirir ki, Beynəlxalq Futbol Tarixi və Statistikaları Federasiyasının (IFFHS) cədvəlində planetin 701 ən yaxşı komandası yer alıb.

2024-cü ilin yekunlarına əsasən, tərtib olunan siyahıda Azərbaycanı yeddi klub təmsil edib.

"Qarabağ" 168,7 xalla dünyada 81-cidir. Ağdam klubu ötən ayla müqayisədə 14 pillə geriləyib.

99,5 xalla 208-ci olan "Zirə" 11 pillə irəliləyib.

Doqquz pillə önə keçən "Sabah" 62,25 xalla 400-cüdür.

"Turan Tovuz" 53,75 xalla iki addımlıq irəliləyişlə 494-cü yerdədir.

"Neftçi" 28 pillə geriləyərək 50 xalla 537-ci sıraya düşüb.

Altı pillə irəliləyən "Sumqayıt" 48 xalla 567-cidir.

"Araz-Naxçıvan" 18 pillə geriləyib və 43,75 xalla 648-cidir.

Qeyd edək ki, cədvələ 441 xalla "Real Madrid" başçılıq edir.