Ceyhun Sultanov: "Qarabağ"ın şansı demək olar ki, sıfıra bərabərdir

Dünən avroliqanın qrup mərhələsi çərçivəsində təmsilçilərimiz növbəti oyunlarına çıxıblar.

"Qəbələ" səfərdə Yunanıstanın PAOK klubuyla qarşılaşıb. Hər iki klub qrupda qaldığından görüş formal xarakter daşıyırdı. Təmsilçimiz səfərdən qolsuz bərabərliklə dönüb.

Digər təmsilçimiz "Qarabağ" isə Bakıda "Totenhem" klubuyla bacarmadı. Şanslarını son tura saxlayan klubumuz 0:1 hesabı ilə məğlub olub. Köhlən atlılar qrupdan çıxmaq üçün son turda "Anderlext" səfərindən mütləq qalib ayrılmalıdır. Həmçinin "Monako"nun "Totenhem"lə oyunda xal itirməsinə ümid etməlidir.

Ölkə.az "Qarabağ" klubunun qrupdan çıxmaq şansı ilə bağlı milli komandamızın keçmiş üzvü Ceyhun Sultanovun fikirlərini öyrənib. Sabiq futbolçu bunları söyləyib:

"Bildiyiniz kimi artıq "Qəbələ"nin şansı itib. "Qarabağ"ın da şansı demək olar ki, sıfıra bərabərdir. Amma bu futboldur. Əgər evdə "Anderlext"i məğlub edibsə, səfərdə niyə də olmasın. Sadəcə dünənki oyuna baxandan sonra nəsə demək çətindir. Dünən "Qarabağ" əvvəlki oyunlara baxanda zəif çıxış etdi. "Qarabağ" optimal heyətlə yalnız bir oyuna çıxa bilib. Qalan oyunlarda isə zədələr buna imkan verməyib. Amma vəziyyət necə olur olsun çalışacaq ki, "Anderlext" səfərindən qələbəylə dönsün."

Qeyd edək ki, "Anderlext"- "Qarabağ" görüşü dekabrın 11-i saat 00:05 də start götürəcək.

Taleh Rəcəb
Ölkə.Az