Messi rəqiblərini geridə qoydu
2015-ci ilin ən yaxşı futbolçusunu müəyyənləşdirəcək səsvermənin ilkin nəticələri açıqlanıb.
Bu barədə "El Mundo Deportivo" nəşri yazıb. 2015-ci ilin "Qızıl top"u "Barselona"nın forvardı Lionel Messiyə qismət olacaq. Onun topladığı səslər 414-ə (82,4%) bərabər olacaq. 2-ci yeri "Real"ın forvardı Kriştiano Ronaldu - 212,5 (təqribən 40%), "Barselona"nın forvardı Neymar (95,5 xal) 3-cü yeri tutacaq.
Sonrakı yerlərdə Luis Suares ("Barselona", 34,5), Zlatan İbrahimoviç (PSJ, 21) və Andres İnyesta ("Barselona", 20) qərarlaşıb.
Bu nəticə ilə Messi 5-ci dəfə mükafatın sahibi olacaq. Bu rəsmi olaraq yanvarın 11-də Sürixdə keçiriləcək təntənəli mərasimdə elan olunacaq.
Səsvermədə milli komandaların baş məşqçiləri, kapitanları və KİV nümayəndələri iştirak ediblər. (goal.az)
Ölkə.Az
