FİFA DÇ-2018-in matçlarının nə vaxt başlanacağını açıqladı
FİFA-nın İcra Komitəsi Rusiyada keçiriləcək 2018-ci il futbol üzrə Dünya Çempionatının oyunlarının başlanma vaxtını açıqlayıb.
Açılış matçı və final Moskva vaxtı ilə saat 18:00-da baş tutacaq. Bürünc medal uğrunda mübarizə matçları 17:00-da start götürəcək.
Qrup mərhələsinin matçları 15:00-da, 18:00-da, 21:00-da (16 iyun – 13:00, 16:00, 19:00 və 22:00) keçiriləcək. Dörddə bir finallar – 17:00 və 21:00, yarımfinallar 21:00-da keçiriləcək.
Xatırladaq ki, futbol üzrə Dünya Çempionatı 2018-ci ilin iyunun 14-dən iyulun 15-nə qədər keçiriləcək. Dünya birinciliyinin görüşləri Rusiyanın 11 şəhərinin 12 stadionunda keçiriləcək. Final görüşü Moskvada “Lujniki” stadionunda keçiriləcək.(oxu.az)
Ölkə.Az
