Rusiya hokkey yığması 2026-cı il olimpiadasına buraxılmadı
Beynəlxalq Buzlu Hokkey Federasiyasının (IIHF) rəhbəri Luk Tardif Rusiya yığmasının 2026-cı il Qış Olimpiya Oyunlarında iştirakına icazə verilməyəcəyini açıqlayıb.
Ölkə.az Oxu.Az-a istinadən xəbər verir ki, onun sözlərini "SVT Sport" yayıb.
"Biz açıq şəkildə bildirdik ki, Beynəlxalq Olimpiya Komitəsi (BOK) Rusiya Olimpiya Komitəsini (ROK) xəbərdar etməlidir və onlar bunu etdilər. Biz BOK-dan Rusiya komandasının yarışa buraxılmadığını rəsmən elan etməsini istəyirik", - Tardif bildirib.
Qeyd edək ki, Olimpiya Oyunlarında Rusiya seçməsinin əvəzinə növbəti ən yüksək reytinqli komanda olan Fransa millisi mübarizə aparacaq.
