Minifutbol üzrə Azərbaycan - İngiltərə matçında azarkeş rekordu qeydə alınıb
Minifutbol üzrə dünya çempionatının 1/4 final mərhələsində keçirilən Azərbaycan - İngiltərə matçını 7007 azarkeş izləyib.
Bu barədə Ölkə.Az-a Azərbaycan Minifutbol Federasiyasının Mətbuat Xidmətindən məlumat verilib.
Bu, minifutbol üzrə dünya və Avropa çempionatları tarixində qeydə alınan ən böyük göstəricidir.
Qeyd edək ki, bundan əvvəl ən çox azarkeş Slovakiyanın Koşitse şəhərində keçirilən Avropa çempionatının açılış matçında, Slovakiya - Belçika görüşündə olub (6513).
