"Formula 1": Bakıdakı sıralama turunda birinci yeri tutan pilot bəlli olub
Ölkə.Az-ın "Report"a istinadən məlumatına görə, üç sessiyanın yekununda birinci olan pilot bəlli olub.
Ən yaxşı nəticəyə "Red Bull"dan Maks Ferstappen imza atıb. Niderlandlı sürücü əsas yarışda ilk sırada olacaq.
Qeyd edək ki, Azərbaycan Qran-prisi sentyabrın 21-də başa çatacaq.
***
Bakıda təşkil olunan "Formula 1" üzrə Azərbaycan Qran-prisində sıralama turunun ikinci sessiyası başa çatıb.
Ölkə.Az-ın "Report"a istinadən məlumatına görə, hələlik ən yaxşı nəticəni "Red Bull" Maks Ferstappen göstərib.
15-ci pillədəki Oliver Berman ("Haas"), 14-cü Lens Stroll ("Aston Martin"), 13-cü Qabriel Bortoleto ("Kik-Zauber"), 12-ci Lyuis Hemilyon və 11-ci Fernando Alonso ("Aston Martin") üçüncü - sonuncu sessiyada iştirak etməyəcək.
***
Bakıda təşkil olunan "Formula 1" üzrə Azərbaycan Qran-prisində sıralama turunun ilk sessiyası başa çatıb.
Ölkə.Az-ın "Report"a istinadən məlumatına görə, hələlik ən yaxşı nəticəni "Maklaren"dən Lando Norris göstərib.
16-cı sıradakı Franko Kolapinto ("Alpin"), 17-ci yerdəki Niko Hyolkenberq ("Kik-Zauber), 18-ci pillədəki, Esteban Okon ("Haas"), 19-cu olan Pyer Qasli ("Alpin") və 20-ci Aleksander Albon ("Uilyams) ikinci sessiyadan kənarda qalıb.
***
Bakıda təşkil olunan "Formula 1" üzrə Azərbaycan Qran-prisinin sıralama turunda qəza baş verib.
Ölkə.Az "Report"a istinadən məlumatına görə, "Uilyams" komandasından Aleksander Albon uğursuzluqla üzləşib.
Onun idarə etdiyi bolid səddə dəyib. Qırmızı bayraq qaldırıldıqdan sonra sessiya müvəqqəti dayandırılıb.
Qeyd edək ki, əsas yarış sentyabrın 21-də keçiriləcək.
***
Bakıda təşkil olunan "Formula 1" üzrə Azərbaycan Qran-prisində sıralama turu başlayıb.
Ölkə.Az "Report"a istinadən məlumatına görə, mübarizəyə saat 16:00-da start verilib.
Yekunda əsas yarışa ilk sırada başlayan pilot müəyyənləşəcək.
Ötən gün birinci və ikinci sınaq yürüşlərində müvafiq olaraq "Maklaren"dən Lando Norris və "Ferrari"dən Lyuis Hemilton ən yaxşı nəticəni göstərib. Bugünkü üçüncü sərbəst yürüşdə də Norris fərqlənib.
Qeyd edək ki, Azərbaycan Qran-prisi sentyabrın 21-də başa çatacaq.
